ශ.ව. 1934 ක් වූ තුලා රවි 12 භාග වප් මස පුර තුදුස්වක තිථිය ලත් ඔක්. 28 වැනි ඉරිදා සිට නොවැ. 03 ශනිදා දක්වා.
ඔබේ ලග්නයට පොදුවේ බලපාන අයුරු මෙසේය.
මේෂ
අසල් වැසි අයට උදව් උපකාර කිරීම නිසා ඔවුනගේ සිත් දිනාගැනීමට හැකිවෙයි. කෙටි ගමන් අධිකවෙයි. ලේඛකයන්ට කලාකරුවන්ට හා වෛද්‍ය අංශවල සේවය කරන අයට යහපත් ය. පවුලේ සමගිය වර්ධනය වෙයි.
ජය අංකය - 7
වෘෂභ
මිතුරන් අතර සුහදතාව වර්ධනය වෙයි. ණය ගනුදෙනුවක් සාර්ථක කැරගැනීමට හැකි වෙයි. නිවෙසේ අඩුපාඩු රැසක් නිම කරගත හැකි ය. දරුවකු ගේ අධ්‍යාපන කටයුත්තක් සඳහා වෙහෙසීමට සිදුවේ. සෞඛ්‍ය තත්ත්වය ගැන විශේෂයෙන් සැලකිලිමත් විය යුතු ය.
ජය අංකය - 4
මිථුන
රැකියා බලාපොරොත්තුව සිටින අයගේ අදහස් සාර්ථක කරගැනීමට ඉඩ කඩ සැලසේ. වාහන මිලදී ගැනීමට අවස්ථාව උදාවෙයි. ගමන් බිමන් වැඩි වුව ද ඒවායින් නිසි ප්‍රයෝජන ලැබීම ප්‍රමාද වෙයි.
ජය අංකය - 6
කටක
වගකීම් හරි හැටි ඉටු කිරීමට උත්සාහ ගන්නා සතියකි. සිතට වද දුන් ප්‍රශ්නයකට පිළිතුරු ලබා ගැනීමට හැකි වීමෙන් සහනයක් ඇති වෙයි. සති මැද සිට ආදායම් වර්ධනයක් සිදුවේ. සමාජ සේවා කටයුතුවල නිරත අයට සහන සැලසේ.
ජය අංකය - 5
සිංහ
සහෝදරයකුගේ අනාගත දියුණුවට වැඩ පිළිවෙළක් සකසා ගැනීමට හැකිවෙයි. ව්‍යාපාරවලින් ලාබ අත්වෙයි. රැකියාවල නිරත අයට වැටුප් වර්ධක ලබාගැනීමේ වාතාවරණයක් සැලසේ. මිශ්‍රඵල උදාකරයි.
ජය අංකය - 8
කන්‍යා
තම අභිමතය පරිදි වැඩ කටයුතු සකසා ගැනීමට හැකිවෙයි. පෙම් සබඳතා නිසා ප්‍රශ්න මතුවෙයි. තීරණ ගැනීමේදී බුද්ධිමත්ව කටයුතු කළ යුතු සතියකි. ආදායම් වියදම් සම තත්ත්වයෙන් පවත්වා ගැනීමට හැකි වෙයි.
ජය අංකය - 2
තුලා
පිට පළාතක ඥාතියකුගේ ඇරැයුම පරිදි ප්‍රිය සාදයකට සහභාගි වීමට අවකාශ සැලසේ. දරුවකුගේ මංගල කටයුත්තක් සඳහා තීරණයකට එළඹෙන්නට හැකිවෙයි. හදිසි ධන ලාභයක් ලැබීමේ අවස්ථාවක් උදාවෙයි.
ජය අංකය - 9
වෘශ්චික
කාගේත් ආදර සැලකිලිවලට භාජනය වන සතියකි. අලුත් මිත්‍රයන් ඇතිවීම නිසා වියදම් දරන්නට සිදුවේ. රැකියාවේ උසස්වීමක් පිළිබඳ අසන්නට ලැබේ. කෘෂිකාර්මික කටයුතුවල නිරත අයට යහපත් ය.
ජය අංකය - 01
ධනු
අධ්‍යාපන කටයුතුවල නිරත අයට යහපත් ය. සංගීත හා කලා අංශයේ නිරත අයට සම්මාන හිමිවෙයි. ආරක්ෂක අංශවල සේවය කරන අයට යහපත්ය. නිෂ්පාදන කටයුතුවල යෙදෙන අයගේ ලාබ වැඩිවෙයි. අමතර ආදායම් මාර්ග සැලසේ.
ජය අංකය - 4
මකර
විදේශ ගමනක යෙදීමට අරමුණු කැරගෙන සිටි අයගේ බලාපොරොත්තු ඵල දරයි. පාරම්පරික ඉඩමක් නිරවුල් කරගැනීමට හැකිවෙයි. සමාජ සේවා කටයුතුවල නිරත අය ප්‍රශංසා හිමි කැර ගනී. හෘද රෝග, සෙම් හා පාද ආබාධ ඇති අය තම සෞඛ්‍ය තත්ත්වය පිළිබඳව සැලකිලිමත් විය යුතු ය.
ජය අංකය - 6
කුම්භ
උදරාබාධ ඇතිවෙයි. වන්දනා ගමන්වලට සහභාගි වීමට අවස්ථාව සලසා ගනී. ව්‍යාපාරිකයන්ට යහපත් ය. ආනයන අපනයන කටයුතුවලින් ලාබ අත්වෙයි. බලාපොරොත්තු නැති වියදමක් දරන්නට සිදුවෙයි. මවු පාර්ශ්වයේ ඥාතියකු වෙනුවෙන් මුදල් වැය කරන්නට සිදුවෙයි.
ජය අංකය - 3
මීන
ජීවිතයේ යම් ක්‍රියාමාර්ග සාර්ථකත්වය කරා වෙහෙසන්නට ලැබේ. කාලයක සිට බලාපොරොත්තු වූ ස්ථාන මාරුවක් ලබා ගත හැකි ය. නිවාස ඉදිකිරීම් හෝ අලුත්වැඩියා කරන්නට කළ අයගේ බලාපොරොත්තු ඉටුවෙයි. සෙම් රෝග ස්නායු ආබාධ ඇතිවේ.
ජය අංකය - 5
